Teema: Re: olin mina tille teopoissi
Hobune varastatud
Olli mina til'le teopoissi,
üüse pessi mõisa rehe,
päivä künni mõõdu maada.
Panni minä obu süümä,
suitse panni suu alla,
päitse panni pää alla,
jala kate kannu otsa.
Kuri miis tulli kuusistikust,
varas miis tulli varistikust,
varast' minu il'le obu,
il'le obu, til'le täku.
Lätsi kodu iketenne.
Kes tanumin vasta tulli?
Taat tanumin vasta tulli:
"Mes sa iket, Endrik-poiga?"
"Mes ma ike, taadekene!
Panni minä obu süümä,
suitse panni suu alla,
päitse panni pää alla,
jala kate kannu otsa.
Kuri miis tulli kuusistikust,
varas miis tulli varistikust,
varast' minu il'le obu,
il'le obu, til'le täku.
"Ärä ike, Endrik-poiga!
Mul om kotun kolme ruuna:
üits om iiru, tõine alli,
kolmas kullakarvaline.
Võta iiru, istu sälgä,
kõrvil lase kõrval sõita,
mustal lase muidu joosta!"
Lätsi minä üle Rõngu silla –
Rõngu silda raksateli,
aluspalk sii praksateli.
Sääl mu küpär kergäteli,
saal ma mur'si mõõgaotsa,
sääl mo kuldasõrmus kat'te,
sääl mina ots'se upakeli,
sääl mina käve käpäkeli.
Rõngu neiu minnu näivä,
Rõngu karjusse mu kaiva:
"Oles see meesi mulle saassi –
suvel saisas söömätägi,
talvel tandsis kängätägi!"
Kambja khk., Kammeri v. < Mihkel Käärd, 51 a. (1908)