leidsin Arukase doktoritööd kammides lisadest järjekordselt selle laulu sõnad. äkki keegi tunneb puudust.
LISA 1
”Sea tapmine”
SL 432B. ÕES, V. Stein 1, nr. 68 ja H II 62, 704 (68).
Suvõl söödi suurta siga,
kirivätä, vöödikuta,
sõglast söödi, pangist joodi.
Sõgla sei terve sõkõlit,
pangi vettä veeretasa.
Pää kasvi kuvvõ kuhja suuru,
handa sai viie viha laiu.
Kutsi vävve tappõmahe,
otsa löömä orikullõ.
Võti ma esi kirvõ kätte,
kuuda kuralõ olalõ,
lätsi esi tappõmahe,
otsa löömä orikullõ.
Tõotõlli, taotõlli,
kopsi ma kura kulmu pääle -
orik läts otsõldõ olilõ,
otsõldõ olilõ, persilde põhulõ.
Naane noori naarahtigi,
mustakulmu muhatigi:
suvvõ saa villand sulasillõ,
mõnõst pääväst päävilisile,
võsu võrksa vasta võtta,
suurõ suu tunnistõlla.
Mia sis üle jäänenessä?
Jäie_ks punda päädikit,
sada nakla nardsukit.
Tuuga lätsi ma teedä pite,
lätsi ma müüdä mölderit.
Kuuli ma kivi kiiksuvat,
võlli võidu tahtõvat.
Veie ma kauba kivile,
veie müügi mölderille,
möie_ks möldere kivile.
Saie kivi kergehembä,
kivi-sai-võlli võrgõsamba,
kivi_ks sai mehele höä meeli.